Zientzia-dibulgazioko hitzaldiak

GREEN WEEKS

Maiatzaren 30etik ekainaren 5era Europako Aste Berdea ospatuko da, “Europako Itun Berdea – Lagundu egia bihurtzen ” lelopean, 2050erako efizientea eta klimarekiko neutrala izanen den Europa baten alde. Nafarroako Unibertsitate Publikoak G9 Missions izeneko europar proiektuaren bidez eginen du bat ekimenarekin.

Ekaineko zenbait astez, campus zientifiko bat eta bisitaldi, lantegi eta desafio batzuk eskainiko dizkiegu ikastetxeei, eta klima-aldaketaren kontrako borroka eta klimarekiko neutralak diren hiri adimendunak izanen dituzte denek ardatz.

Jarduera horien guztien ondotik, gure ekitaldi nagusia etorriko da: Europako Ikertzaileen Gaua, aurten Europako misioei buruzkoa, zeina irailaren 30ean eginen baita Europa osoan.

NUPeko Green Campus
Iruñea bere zimenduen azpian.
Ausartuko zara historia honen protagonista izatera?

Nahiko zenuke zure ikasleek jakitea unibertsitatea nolakoa den eta ikertzea zer den? Zure ikasleei jasangarritasuna eta ingurumena interesatzen bazaizkie, campus aproposa dute hau. Astebetez, Batxilergoko 1. ikasmailako 20 ikaslek geologiaren sekretuak modu praktiko, atsegin eta errealean ikasiko dituzte. Ikerketa eta dibulgazio zientifikoan murgilduko dira Iruñeak eta Iruñerriak eskaintzen dizkiguten altxor geologikoen bitartez.

Zure ikasleek halako esperientzia paregabea izatea nahi baduzu, izena emateko inprimakia bete behar dute. Guztira, 20 ikasle hautatuko dira zozketa bidez. Inprimakiarekin batera, motibazio gutun bat ere bidali behar dute. Zorte on!

KONTSULTATU JARDUERA GUZTIAK (PDF)

Eskaera NUPeko Green Campusen parte hartzeko

Zatoz gure campus zientifikora, esperientzia paregabea izanen da eta!

EGIN ESKAERA

Zientziari buruzko lantegiak ikastetxeentzat

Begira zientziari buruzko zer lantegi prestatu ditugun zure ikastetxearentzat.
Eskatu, orain, gehien interesatzen zaizuen eguna.

Green Week asterako, lau jarduera prestatu ditugu Batxilergoko eta Bigarren Hezkuntzako ikasleentzat.

Hemen duzu lantegiei buruzko eskaintza osoa: ekonomia zirkularra eta konpostajea, bioteknologia, errealitate birtuala edo nork bere kargagailu foltovoltaikoa muntatzeko lantegi praktikoak.