Nola egin eskaera

Nafarroako Unibertsitate Publikoaren aurrekontu eskasiak, dagoeneko kronikoak, eragina izango du programa honetan berriz ere, eta nahitaez eutsi behar diegu murrizketei ikastegi bakoitzean eman daitezkeen hitzaldi kopuruari dagokionez: bost, 2018ko urtarriletik maiatzera.

 

Heldu den urriaren 15ra arte, ikastetxeek nahi dituzten hitzaldiak hautatzeko aukera dute, eta unibertsitatearekin adostuko dituzte hitzaldi horiek gauzatzeko aukerak, eskari guztiei baiezkoa ematen saiatuko baikara ahal dugun neurrian eta lehenago ezarri diren mugen barruan, ikastetxe bakoitzerako. Hitzaldiak batxilergoko ikasleen neurrira prestatuak daude. Ikastetxeetatik eskatzen dizkiguten hitzaldi guztiak emateko asmoa dugun  arren, kontuan hartu behar da balitekeela gehien eskatzen diren hitzaldietakoren bat ezin eman izatea ikastetxe guztiei. Era berean, arrazoi berberengatik, soilik oso kasu berezietan emango dugu birritan hitzaldi bera  ikastetxe berean. Inolaz ere ez da bi aldiz baino gehiagotan emango. Muga horiek ezarrita dauzkagu, eta gure  egoera uler dezazuen eskatzen dizuegu.

 

Eman behar diren urratsak ondoko hauek dira:

 

  1. Ikasturte honetarako ikastetxeak interesgarritzat jotzen dituen hitzaldien zerrenda bidali behar da. Eskaera www.charlascientificas.com web-orrialdearen bidez egin behar da, eta bertan azaltzen den inprimakia bete.  Dagoeneko esan den bezala, hitzaldien eskari guztiei aurre egiten saiatuko gara, baina batzuetan ezin izan dugu hala egin eskari handiko hitzaldiren batengatik. Hori dela eta, ahal denean, bigarren aukeren berri emateko  gomendatzen dugu. Nolanahi ere, eta orientabide moduan, eskertuko dizuegu esatea zenbat hitzaldi antolatu nahiko zenituzketen ikasturte honetan, interesgarritzat eman dituzuen hitzaldien zerrenda horietatik.
  2. Gelan informazio hori jaso, eta hitzaldiak eman behar dituzten irakasleekin ados jarri ondoren, ikastetxe bakoitzari hitzaldiak esleituko zaizkio.
  3. Gelakoak harremanetan jarriko dira ikastetxeekin, urriaren 27n beranduenera, jakinarazteko zein diren antola ditzaketen hitzaldiak eta nola jar daitezkeen harremanetan hizlariekin.
  4. Ikastetxeak hizlariekin adostuko ditu ekitaldiaren eguna, ikasturte osoan zehar izan daitekeena, bai eta ekitaldi hori garatzeko behar diren baliabideak ere.

 

Protokolo honi buruzko edozein zalantza edukiz gero, idatzi jardueraren koordinatzaileari, galvan@unavarra.es helbidera, edo deitu 948169266 telefono zenbakira.

 

Zientzia eta Teknologiaren Gelakook eskerrak eman nahi dizkiegu hitzaldiak emango dituzten irakasleei eta Gizarte eta Kultura Proiekziorako Errektoreordetzari, egin duten ahaleginagatik. Halaber, ikastetxeei ere eskertu nahi dizuegu gure jarduerekin erakutsi duzuen interesa.